Category Archives: Nieuws

Minister di Husticia y Asuntonan Social Sr. Rocco Tjon tabata presente ora cu director di AZV Sr. Edwin Jacobs y director di Bureau Rampenbestrijding Aruba (BRA) Sr. Rino Hermans a firma e convenio pa asina trabaonan pa atende cu e lista di espera pa cu salud mental por inicia. AZV a pone e fondonan disponibel y BRA lo percura pa e administracion. Di e forma aki ta emplea e profesionalnan necesario manera psicologonan pa bay atende cu e lista di espera. Un momento hopi importante, mirando cu hopi biaha a toca e tema di e problematica di e lista di espera, ora ta papia di salud mental.

Lees Meer

Riba 29 di october e cuater organisacionnan di salud mental di tur 6 isla den e parti Caribense di Reino a firma un acuerdo di colaboracion pa mehora e calidad di cuido di salud mental pa comunidad Caribense. Ta trata di e fundacionnan Respaldo, GGZ Curaçao, Mental Health Foundation Sint Maarten y Mental Health Caribbean na Boneiro, Saba y Statia.

Lees Meer

Riba e fecha di Diamars 8 di Juni a observa cu exactamente 4 aña a pasa caba desde cu Fundacion Salud Mental Aruba ‘Respaldo’ a wordo funda door di Gobierno, AZV, Hospital, y Psychiaternan.

E motibo mas importante tabata cu e salud mental dentro di Aruba den contenido y cantidad no a crece hunto cu e cantidad di hendenan cu realmente mester di un bon atencion di salud mental y cu e desaroyonan internacional den psychiatria. Te ora cu a pone Respaldo funciona, cada aña tabata trata como 1.400 persona psychiatricamente, cu un presupuesto di como 12 miyon Florin pa aña.

Lees Meer

Respaldo ta continuamente enbusca di maneranan pa maneha su recursonan mas miho y eficiente posibel.

Un di e cambionan mas recien ta e paso grandi cu Respaldo a tuma den su infrastructura di tecnologia, informacion y comunicacion. Aki a uni forsa cu Aruba su proveedor mas grandi di servicionan di telecomunicacion esta Setar N.V.

Lees Meer

Fundacion Salud Mental Aruba (Respaldo) lo tene e evento “Let’s Art about Mental Health” diasabra 23 di october na Atelier 89. Srta. Krital Browne y Srta. Thixianne Wever, di Respaldo, a elabora ariba kico e evento ta encera, ki por spera y tambe kico ta e meta di Respaldo cu e evento aki.

Lees Meer